Бишкектеги Орус үйүнүн маалыматы боюнча, «РЖД-Медицина» тармагынын алты жогорку квалификациялуу дарыгери Кыргызстанга келип, жергиликтүү дарыгерлер менен тажрыйба алмашат.
Москва, Ростов-на-Дону, Челябинск, Новосибирск жана Самара шаарларынан келген адистер 9-ноябрдан 14-ноябрга чейин Бишкекте жана Ошто иштешет. Былтыр алар Бишкекте гана иштешкен болсо, быйыл айрымдары Ош шаарына да барышат.
Дарыгерлердин адистиктери жана иш тартиби
Келген дарыгерлердин арасында уролог, жүрөк-кан тамыр хирургу, кардиолог, травматолог-ортопед, физикалык жана реабилитациялык медицина боюнча адис бар. Алар медициналык борборлорго барып, кесиптештерине жана студенттерге лекция окуп, мастер-класстар өткөрүшөт, ошондой эле бейтаптарды карап, консультация беришет.
Ар бир адис белгилүү бир клиникага бириктирилет. Алар Улуттук госпиталдын, Жүрөк хирургиясы жана орган трансплантациясы илим-изилдөө институтунун (КНИИХСТО), Курортология жана калыбына келтирүү дарылоо институтунун жана Ош клиникалык ооруканасынын дарыгерлери менен чогуу иштешет.
Программанын ачылышы 9-ноябрда саат 10:00дө Кыргызстандын Саламаттык сактоо министрлигинде өтөт.
Былтыркы иштин жыйынтыктары
Былтыркы көрсөткүчтөр
Эске салсак, былтыр «Миссия Добро» программасынын алкагында Кыргызстанда иштеген дарыгерлер 78 кароо жана консультация, 16 операция, 18 УЗИ изилдөө жана 14 компьютердик томография жасашкан.
