Кыргызстандын Саламаттык сактоо министрлиги менен Россиянын «ВТБ Медицина» компаниясы саламаттык сактоо жаатында кызматташтыкты чыңдоо максатында меморандумга кол коюшту.
Бул документ медициналык жардам көрсөтүү, медициналык билим берүү, адистерди даярдоо жана квалификацияны жогорулатуу, заманбап медициналык технологияларды киргизүү, саламаттык сактоонун санариптештирилиши, телемедицина жана медициналык туризм тармактарында кызматташтыкты камтыйт.
Мындан тышкары, министрлик жарандарга Түркия менен иштөөгө окшош механизм аркылуу Россиялык клиникаларда жогорку технологиялуу медициналык жардам алууну уюштуруу боюнча сунуш киргизди.
