Курманбек Жороев 1952-жылы 25-декабрда Ош облусунун Ленин районуна (азыркы Ноокен району) караштуу Сакалды айылында туулган. 1979-жылы СССРдин 50 жылдыгы атындагы Кыргыз мамлекеттик университетинин юридикалык факультетин аяктаган.

Эмгек жолун Кыргыз ССРинин Юстиция министрлигинде сот органдары башкармалыгынын консультанты болуп баштаган. 1980-жылы Сокулук райондук элдик сотунун судьясы болуп шайланган.

1987-жылы июнда Кыргыз ССРинин Жогорку Совети тарабынан Фрунзе шаардык сотунун судьясы болуп шайланган. 1990-жылы Жогорку Советинин пленардык отурумунда Кыргыз Республикасынын Жогорку сотунун судьясы болуп шайланып, 2000-жылга чейин иштеген.

Эл аралык жана мамлекеттик кызматтар

  • 2000-жылы КМШнын Экономикалык сотунун судьясы болуп шайланган.
  • 2006–2007-жылдары КР Коррупцияны алдын алуу боюнча улуттук агенттигинин комиссары кызматын аркалаган.
  • 2007-жылы мартта кайрадан КР Жогорку сотунун судьясы болуп шайланып, ошол эле жылы судьянын жогорку квалификациялык классы ыйгарылган.
  • 2016-жылы ардактуу эс алууга чыкканга чейин иштеген.
2005-жылы КР Президентинин жарлыгы менен «Кыргыз Республикасынын эмгек сиңирген юристи» ардактуу наамы ыйгарылган.
Жогорку соттун басма сөз кызматы

Курманбек Жороевдин үй-бүлөсүнө жана жакындарына терең кайгыруу менен көңүл айтабыз.