Кыргызстандын Кубогун утуп алган «Нефтчи» футбол клубунун оюнчулары эки айлык эмгек акы жана сыйлык акыларын ала албай жатышат. Бул тууралуу Kyrgyz Football Telegram-каналы билдирди.

Маалыматка ылайык, команда 2026-жылдын Кубогун багындырган, бирок сезон аяктагандан бери төлөмдөр чечилген эмес. Оюнчулар өз убактысында акыларын алып, үй-бүлөлөрү менен эс алууну пландап жатышкан.

Сезон 8-ноябрда аяктаган, бирок оюнчулар эмгек акыларын күтүп жаткандыктан, клубдун базасында калууга мажбур болушууда. Алар үйүнө кетип, үй-бүлөлөрү менен эс ала алышпай жатышат. Бул абдан карама-каршы кырдаал: команда клубга кубокту алып келди, бирок майрамдоонун ордуна өз акыларын алуу үчүн күрөшүүдө.
Kyrgyz Football Telegram-каналы

Учурда футболчулар клуб жетекчилигинен төлөмдөрдү күтүүдө жана бул жагдай алардын эс алуу планына терс таасирин тийгизүүдө.