Кыргыз футбол союзунун (КФС) билдиришинче, 28–29-октябрда «Мурас Юнайтед» базасында Жаштар лигасынын финалдык оюндары өттү. Төрт команда приздүү орундар үчүн күрөштү. Чечүүчү беттеште борбордук команда «Мурас Юнайтедди» 2:1 эсебинде жеңди.

Финалдык этаптын жүрүшү

Жарым финалда «Мурас Юнайтед» АФ РКОРду 3:0 менен утса, «Дордой» АФИМди 3:1 эсебинде жеңди. Үчүнчү орун үчүн беттеште АФИМ АФ РКОРду 3:2 менен утуп, коло медалга ээ болду.

Байге фондун бөлүштүрүү

25 0001-орун — «Дордой»
15 0002-орун — «Мурас Юнайтед»
10 0003-орун — АФИМ
5 0004-орун — АФ РКОР

КФС быйыл биринчи жолу акчалай сыйлыктарды киргизди. Жалпы байге фонду 55 миң долларды түздү. Мындан тышкары, уюштуруучулар жеке номинацияларды да ыйгарышты: «Дордойдон» Актан Ишенбеков финалдык этаптын мыкты оюнчусу, Элмырза Бактыбеков мыкты дарбазачы деп табылды, ал эми АФИМден Ратбек Акматов мыкты бомбардир аталды.

Жаштар лигасы 2024-жылы негизделген. Турнир жаш футболду өнүктүрүүгө жана клубдар менен улуттук курамалар үчүн резерв даярдоого багытталган.