Кыргызстанда программалоо китеби кыргыз тилинде жарык көрдү
«Балдар үчүн JavaScript» китебинин жаңы тиражы өткөрүлүп берилди. Бул китеп англис тилинен кыргызчага которулган жана толугу менен кыргыз тилинде басылып чыккан.
Китептин жаңыртылган тиражы өлкөдөгү жалпы билим берүү мекемелерине акысыз таралат. Маселени ишке ашырууда Мамлекеттик билим берүү министрлиги, АКШнын Кыргызстандагы элчилиги, "Окуу китеби" басмаканасы жана "Таалим-Форум" коомдук фонду кызматташты.
"Балдар үчүн JavaScript" китеби окуучуларга заманбап билим алуу мүмкүнчүлүгүн кеңейтет жана алардын программалоо негиздерин түшүнүүсүнө жардам берет. Китепте JavaScript тилинин негиздери түшүнүктүү жана кызыктуу түрдө берилген, бул окуучулардын ой жүгүртүүсүн, чыгармачылыгын жана технологияларга кызыгуусун арттырат.
Биринчи кыргыз тилиндеги басылма 2023-жылы 3500 нуска менен чыгарылып, бардык айылдардагы китепканаларга жеткирилген болучу. Учурдакы жаңы тираж 4500 нускадан турат жана мектептерге машыгуучу материал катары берилет.
