Кыргызстанда алименттердин минималдуу өлчөмүн 10 миң сомго чейин көтөрүүнү суранышууда

Кыргызстанда жарандар алименттин минималдуу өлчөмүн 10 миң сомго чейин көтөрүүнү талап кылган петицияга кол коюп жатышат. Бул демилгени адвокат Адилет Мерканов көтөрүп чыккан. Ал балдардын санына жараша белгиленген суммаларды сунуштайт: бир балага 10 миң сом, эки балага 20 миң сом, үч балага 30 миң сом.

Стористи көрүү

1. Кыргызстанда алименттин минималдуу өлчөмүн көтөрүү талабы
2. Көйгөй: Алименттин өлчөмү
3. 10 миң — бир балага минималдуу сумма
4. 20 миң — эки балага минималдуу сумма
5. 30 миң — үч балага минималдуу сумма
6. Алименттин эсептөө ыкмасы: Бир балага: кирешенин төрттөн бири; Эки балага: кирешенин үчтөн бири; Үч же андан көп балага: жарымы
7. Өлкөдө алименттердин минималдуу суммасын көбөйтүү талабы менен петицияга кол топтолуп жатат. Демилгечи — адвокат Адилет Мерканов. Ал бир балага 10 миң, эки балага 20 миң, үч балага 30 миң сом төлөөнү сунуштап, учурдагы төлөмдөр балдардын муктаждыктарын жаба албай жатканын белгилейт.

Адилет Мерканов жарандарды петицияны колдоого чакырды. Ал Кыргыз Республикасынын Конституциясынын 80-беренесине ылайык, мыйзамдарга өзгөртүү киргизүү үчүн 10 миң кол топтоо керектигин эске салды.

Алимент кандай эсептелет?

Азыркы тапта алименттин көлөмү адатта балдардын санына жана ата-эненин кирешесине жараша болот: бир балага кирешенин төрттөн бири, эки балага үчтөн бири, үч же андан көп балага жарымы өндүрүлөт. Эгер ата-эненин туруктуу кирешеси жок болсо, сот белгиленген акчалай суммада төлөм дайындашы мүмкүн. Бирок көп учурда ата-эне төлөмдү азайтуу үчүн кирешесин атайылап төмөндөтүп көрсөтөт.

Бул көрсөткүчтөр көйгөйдүн олуттуулугун тастыктайт. Петициянын авторлору минималдуу сумманы белгилөө балдардын укуктарын коргоого жардам берет деп эсептешет.