Министрлер кабинетинин маалыматы боюнча, иш-чарага Кыргызстандын министрлер кабинетинин төрагасы Адылбек Касымалиев менен Казакстандын премьер-министри Олжас Бектенов катышты.
Форумда сүйлөгөн сөзүндө Адылбек Касымалиев эки өлкө 2030-жылга чейин өз ара товар жүгүртүүнү 3 миллиард долларга жеткирүүнү пландап жатканын белгиледи.
Анын айтымында, форумдун алкагында Кыргызстандын Нарын, Ысык-Көл жана Жалал-Абад облустары Казакстандын алты аймагы менен кызматташуу келишимдерине кол коюшат. Алар — Алматы, Жети-Суу, Чыгыш Казакстан, Түркстан, Караганды жана Кызыл-Ордо облустары.
Өкмөт башчысы өз ара сооданы кеңейтүүгө, транспорттук-логистикалык инфратүзүмдү өнүктүрүүгө жана аймактар ортосундагы түз байланыштарга өзгөчө көңүл бурууну сунуштады.
- «Ак-Тилек — Кара-Суу» өткөрүү пунктунун жанындагы индустриалдык соода-логистикалык комплекси
- Алматы шаарынын жанындагы дүң соода борбору
«Бүгүнкү күндө биздин алдыбызда маанилүү милдет турат — мамлекеттер аралык мамилелердин жогорку деңгээлин аймактар деңгээлинде конкреттүү натыйжаларга айландыруу, биргелешкен инвестициялык демилгелерди ишке ашырууну, өндүрүштүк кооперацияны өнүктүрүүнү, өз ара сооданы кеңейтүүнү жана жаңы жумуш орундарын түзүүнү камсыздоо»
Казакстандын премьер-министри Олжас Бектенов форумдун эки өлкөнүн аймактарынын ортосундагы байланыштарды бекемдөөдөгү маанисин баса белгиледи.
Эскерте кетсек, «Кабар» маалымат агенттиги 2026-жылдын 30-октябрында тараткан маалыматка ылайык, Кыргызстан менен Казакстан өз ара сооданы 2030-жылга чейин 3 миллиард долларга жеткирүү милдетин койгон.
