Түркиянын Анталья шаарында БУУнун климаттын өзгөрүшү боюнча алкактык конвенциясынын тараптардын 31-конференциясы (COP31) болуп жатат. Кыргызстандын Билим берүү министрлигинин делегациясы бул иш-чарага катышып, өлкөдөгү кесиптик лицейлердин жашыл экономика үчүн адистерди окутуу боюнча тажрыйбасын таанытууну пландап жатат, - деп билдирди министрликтин басма сөз кызматы.
Делегацияны Билим берүү министрлигинин орун басары Надира Жусупбекова жетекдеп жатат. Анын курамына Ислам дүйнөсүнүн билим берүү, илим жана маданият боюнча уюштуруусунун (ICESCO) билим берүү маселелери боюнча сектор жетекчисинин орун басары Лира Самыкбаева да кирген.
Жашыл көндүмдөр жана келечектин кесиптери
Министрликтин бир тематикалык иш-чарасы Кыргызстандын павильонунда өтөт. Ал «Жашыл көндүмдөр жана келечектин кесиптери: туруктуу өнүгүүдөгү кесиптик лицейлердин ролу» деген темага арналат. Участникам тажрыйба төмөнкү багыттар боюнча сунушталат:
- калыбына келүүчү энергетика
- энергияны үнөмдөөчү курулуш
- климатка туруктуу айыл чарба
- циркулярдык экономика
- төмөн көмүртектүү транспорт
Ошондой эле Надира Жусупбекованын катышуусунда эки тараптуу жолугушуулар пландалууда. Анда жашыл экономика үчүн адистерди даярдоо жана эл аралык кызматташтык маселелери каралат.
Делегациянын өкүлдөрү 11-ноябрда Антальядагы Али Бахар атындагы техникалык колледжге барып, лифт жабдууларын колдонуу боюнча адистерди даярдоо жагында кызматташуу мүмкүнчүлүктөрүн талкуулашты.
