2026-жылдын 28-октябрында Кыргызстандын илим, жогорку билим берүү жана инновациялар министри Гульзат Исаматова Ташкент шаарында өткөн Борбор Азия эл аралык билим берүү форумуна катышты.
Кыргызстан аймактагы мамлекеттер менен тең укуктуу өнөктөштүктү бекемдөөгө жана атаандаштыкка жөндөмдүү билим берүү мейкиндигин түзүүгө даяр.
Форумдун алкагында уюштурулган тегерек столдо аймактагы бирдиктүү билим берүү мейкиндигин өнүктүрүү, университеттер аралык кызматташтыкты кеңейтүү жана академиялык мобилдүүлүктү күчөтүү маселелери каралды.
Министр Борбор Азия өлкөлөрүнүн илимий потенциалын бириктирүү максатында Борбор Азиялык технологиялык платформаны түзүү демилгесин көтөрдү. Бул платформа алдыңкы университеттердин мүмкүнчүлүктөрүн бириктирип, чек аралык ири долбоорлорду илимий жактан коштоого, көз карандысыз экспертиза жүргүзүүгө жана экономикага керектүү адистерди алдын ала даярдоого өбөлгө түзмөкчү.
Кызматташтыктын негизги багыттары
- Жогорку билим берүүнүн сапатын жогорулатуу
- Дипломдон кийинки билим берүү программаларын биргелешип ишке ашыруу
- Жаштардын илимий өнүгүүсүнө шарт түзүү
