Бүгүн, 9-августта Ысык-Көл районунун Кырчын капчыгайында олуттуу окуя катталды. Бул тууралуу Kaktus.media басылмасына күбөлөр билдирген. Анда ат бир кызды бир нече жүз метрге сүйрөп кеткени айтылат.
Алдын ала берилген маалыматтарга караганда, кыз ээрден кулап түшкөн, бирок бир буту үзөңгүгө тыгылып калган. Андан кийин ат жогорку ылдамдыкта бир нече жүз метрге чуркап, кызды артынан сүйрөп кеткен.
Бир аздан кийин башка атчандар атты токтотуп, жабыркаган кызды бошотушкан. Кыздын учурдагы абалы азырынча белгисиз.
