Ош шаардык аялдар кеңешинин жана Батыралы Сыдыков атындагы Кыргыз-Өзбек эл аралык университетинин аялдар кеңешинин демилгеси менен студенттердин жатаканасында түшүндүрүү иштери уюштурулду. Бул иш-чара жаштар арасында укуктук жана медициналык сабаттуулукту жогорулатууга багытталган.
Иш-чарага Ош шаардык ички иштер башкармалыгынын өкүлү Венера Олмасова жана дарыгер Жийдегүл Аттокурова катышты. Коноктор студенттердин жашоо шарттары менен таанышып, алар менен алдын алуу иштери боюнча маектешүү өткөрүштү.
- Наасяттын ар кандай түрлөрүн алдын алуу
- Укук бузуулардын алдын алуу
- Коопсуз жүрүм-турум эрежелерин сактоо
Айрыкча, дарыгер Жийдегүл Аттокурова тамеки чегүүдүн адамдын ден соолугуна тийгизген терс таасири жана анын зыяндуу кесепеттери жөнүндө айтып берди. Ал жаштар арасында салттуу жашоо образын калыптандыруунун маанилүүлүгүн белгиледи.
Мындай жолугушуулар жаштардын аң-сезимин жогорулатууга жана коопсуз коомду түзүүгө өбөлгө түзөт.
