14-августта Кеминде белгисиз эркек киши «Круговой» тамактануучу жайынын алдына жакын жердеги дүкөндүн алдында аялдарга кол салышкан.
Окуя болжол менен саат 20:00дөр чамасында болгон. Шектүү аялдардын бири менен сөз чырына катышып, андан соң урган.
Натыйжада бир аялдын башына жаракат жетип кеткен. Кол салуудан кийин шектүү SsangYong Tivoli үлгүсүндөгү кроссоверге отуруп, белгисиз багытта качып кеткен.
Чүй облустук ички иштер башкармалыгы окуя боюнча Кемин райондук милициясына маалымат түшкөнүн билдирип, иш боюнча тергөө жана издөөлөр башталганын маалымдады.
Шектүүнүн жана анын унаасынын так маалыматтары — мамлекеттик номуру 01KG975BV — такталууда жана ыкчам чаралар көрүлүүдө.
