Бишкекте, 29-июлда, Генеральная прокуратуранын демилгеси менен 2025–2030-жылдарга карата мамлекеттик коррупцияга каршы стратегияны ишке ашыруу боюнча межведомстволук жумушчу топтун жыйыны болуп өттү.
Жыйынга Президент администрациясынын, Президенттин алдындагы Антикоррупциялык бизнес кеңештин, сот, укук коргоо, көзөмөл жана башка мамлекеттик органдардын өкүлдөрү катышты.
Катышуучулар 2026-жылдын биринчи жарым жылдыгындагы мамлекеттик стратегиянын аткарылышын анализдешти, планынын айрым пункттарынын кечиктирилип аткарылышынын себептерин жана аны жоюу боюнча иш-аракеттерин карашты.
Мындан тышкары, мамлекеттик органдардын жетекчилери үчүн коррупциялык тобокелдиктерди башкаруу, кызыкчылыктардын кагылышын жөнгө салуу жана коррупцияга каршы ички иштерди уюштуруу боюнча практикалуу окутуу уюштурулду.
Генпрокуратура басма сөз кызматы маалымдагандай, 2025–2030-жылдарга карата мамлекеттик коррупцияга каршы стратегия 2024-жылдын 5-июнундагы президенттик жарлык менен бекитилген.
