Жаңы талап 3,5 тоннадан ашкан жүк ташуучу унааларга тиешелүү болот. Алар калктуу конуштардан сырткары саатына 50 чакырымдан ашык ылдамдык менен баратканда алдыдагы транспорттон 50 метрден кем эмес аралыкты сакташы керек.
Демилгенин авторлору өзгөртүүлөрдүн зарылдыгын оор жүк ташуучу унаалар катышкан кырсыктардын көбөйүшү менен түшүндүрүшөт. Алар бир нече жүк ташуучу унаанын бири-бирине дээрлик тийип, удаа баратышы өзгөчө коркунучтуу деп эсептешет.
Натыйжада, озуп кетүүнү баштаган жеңил унаалардын айдоочулары жүк ташуучу унаалардын ортосуна кайтып кире албай калышат. Бул фронталдуу кагышуу коркунучун күчөтөт.
Айып пулдардагы дал келбөөчүлүк
Мыйзам долбоору укук бузуулар кодексине өзгөртүүлөрдү киргизүүнү карайт. Аралыкты бузгандыгы үчүн айып пул салуу сунушталат. Бирок документте карама-каршылык бар: бир бөлүгүндө 50 метр аралыкты бузгандыгы үчүн 10 эсептик көрсөткүч, башкача айтканда 1000 сом айып пул көрсөтүлсө, экинчисинде 25 метр аралык үчүн 30 эсептик көрсөткүч, б.а. 3000 сом деп жазылган.
Мында мыйзам талабы так 50 метр минималдуу аралыкты белгилейт. Демек, айып пулду колдонуу механизми тактоону талап кылат.
