2026-жылдын август айында Бишкекте үчүнчү жолу «Экотехнологиялар жана жашыл инфраструктура» тема боюнча биликтүү семинар өткөрүлдү. Иш-чаранын уюштуруучусу Кыргыз Республикасындагы KOICA бүтүрүүчүлөр ассоциациясы болду.
Семинарга KOICAнын билим берүү программаларын аяктаган бүтүрүүчүлөр, мамлекеттик органдардын өкүлдөрү жана адистер катышты. Алар климаттын өзгөрүшү, экологикалык коопсуздук, абанын сапаты жана жашыл экономика өнүгүүсү боюнча өз билимдери менен өз ара тажрыйба бөлүштү.
Иш-чарада үч негизги темада докладтар жасалды. Биринчи докладта климаттын өзгөрүшүнө байланыштуу өлкө боюнча тез арада эскертүү жана маалымат берүү системасын түзүү маселелери каралды. Катышуучулар климатка байланыштуу коркунучтарга коомчулукту кабардар кылуу жана жооп кайтаруу механизмдерин жакшыртуу жолдорун үйрөнүштү.
Үчүнчү доклад жашыл экономика жана анын мүмкүнчүлүктөрү жөнүндө болду.
Бул семинар CIAT (Capacity Improvement & Advancement for Tomorrow) программасынын алкагында өткөрүлдү. Бул - KOICAнын өнөктөштөр өлкөлөрдөгү мамлекеттик кызматкерлердин кесиптик мүмкүнчүлүктөрүн арттыруу жана Корея Республикасы менен Кыргызстан арасындагы кызматташтыкты бекемдөө максатындагы маанилүү билим берүү иш чарасы.
Семинар KOICA бүтүрүүчүлөрү, мамлекеттик өкүлдөр жана адистер ортосунда кесиптик билим алмашууну өнүктүрүүнүн келерки маанилүү кадамы катары кызмат кылды. Бул ошондой эле Кыргызстандын жана Корея Республикасынын туруктуу өнүгүү жана экологиялык коопсуздук жаатындагы кызматташтыгын мындан ары бекемдөөгө өбөлгө түздү.
