«Ала-Тоо Резорт» жылына иштеген тоолуу кластерди ишке ашыруу үчүн Ысык-Көл биосфералык аймагынын аянтын кыскартуу сунушталууда. Аталган долбоордун алкагында жерлерди буфердик зонадан өткөөчү зонага которуу каралууда. Тиешелүү токтомдун долбоору коомдук талкуу үчүн жарыяланды.
Учурда мамлекеттик маанидеги «Ала-Тоо Резорт» жылына иштеген тоолуу кластерди түзүү долбоору ишке ашырылууда. Анын максаты — эл аралык деңгээлдеги заманбап туристтик кластерди куруу, тоо чабуу инфраструктурасын өнүктүрүү жана Кыргызстандын туристтик тартылуусун жогорулатуу.
Документке ылайык, долбоорду ишке ашыруу үчүн анын оператору болгон «Ала-Тоо Резорт» ААКга жалпы аянты 11 216,35 гектар жер бөлүктөрү пайдаланууга берилет. Бул жерлердин тизмеси Министрлер Кабинетинин 2025-жылдын октябрь айындагы токтому менен аныкталган.
Жаратылыш ресурстары, экология жана техникалык көзөмөл министрлигинин маалыматы боюнча, бөлүнгөн жерлердин 10 462,28 гектары Ысык-Көл биосфералык аймагынын буфердик зонасына кирет. Бул жер участоктору беш аймакта жайгашкан:
- Боз-Учук
- Ак-Булак
- Жыргалан (1 жана 2 бөлүктөрү)
- Каркыра
Ысык-Көл облусунун администрациясы зонализацияны өзгөртүү зарылчылыгы туристтик жана коштоочу инфраструктураны куруу пландары менен байланыштуу экенин белгиледи. Буга чейин президента Садыр Жапаров Ысык-Көл биосфералык аймагынын айрым жер участокторун буфердик зонадан өткөөчү зонага которуу маселесин карап чыгууну тапшырган.
