АКШ Украинадагы кризисти чечүү боюнча кийинки раунд сүйлөшүүлөргө даярдык көрүп жатат. АКШ президентинин күйөө баласы Джаред Кушнер Х социалдык тармагындагы аккаунтунда кийинки жолугушуунун даярданып жатканын билдирди.
Маалыматка ылайык, сүйлөшүүлөрдү жүргүзүүчү топтун өкүлү Стив Уиткофф менен биргеликте Россия Президентинин жардамчысы Юрий Ушаков менен сүйлөшүүлөрдү өткөргөн. Ошондой эле Украинанын жана Европа өлкөлөрүнүн өкүлдөрү менен да байланыш түзүлгөн.
Кайсы бир акыркы тынчтык келишимин Россия менен да, Украина менен да макулдашуу зарыл. Коомчулук үчүн талаш-тартыштар көп чагылдырылып жатса да, биз кунт коюп жүргүзүлгөн талкуулардын алкагында позитивдүү жана конструктивдүү идеялардын чыгып жатканын көрүп жатабыз.
Кийинки жолугушуунун жүрүшүнө Европа өлкөлөрүнүн бири тандалышы мүмкүн. La Repubblica гезинин билдирүүсүнчө, азыркы учурда Швейцария, Норвегия жана Түркийдин Европа бөлүгү аянтча катары сунушталууда.
Буга чейин Европа Союздун лидерлери Украина боюнча эксперттик сүйлөшүүлөр үчүн делегациянын курамын макулдашкан. Ага Германия, Франция, Улуу Британия, Италия жана Польшанын өкүлдөрү, ошондой эле Еврокомиссия менен ЕБ Советинин мүчөлөрү кирет.















