Адылбек Касымалиев жол тармагына элүүдөн ашуун жаңы техниканын ачкычын тапшырды

Майрамдык иш-чаралар Т. Усубалиев атындагы аянтта башталды. МинКаб Төрагасы Адылбек Касымалиев Транспорт жана коммуникациялар министрлигине жаңы алынган 50дөн ашуун атайын техниканын ачкычын тапшырды.

Стористи көрүү

1. Жол тармагына жаңы техника жана каржылоо боюнча маалымат
2. 50 дөн — Жаңы техниканын саны
3. 60 млрд сом — Жылдык каржылоо суммасы
4. Жол тармагынын өнүгүшүнүн маанилүү көрсөткүчтөрү: 2025-жылы 1 545 чакырым жол асфальтталды; 2010–2020-жылдар аралыгында 648 техника алынган; 2022–2026-жылдарда 1344 жаңы техника сатып алынган; Мурунку жылдарда 2 млрд сом бөлүнсө, азыр 60 млрд сомго жетти
5. Министрлер Кабинетинин Төрагасы Адылбек Касымалиев автомобиль транспорту жана жол чарба кызматкерлеринин кесиптик майрамына карата уюштурулган иш-чараларга катышты. Ал Транспорт жана коммуникациялар министрлигине жаңы сатып алынган 50дөн ашуун атайын техниканын ачкычын тапшырды.

Министр Талантбек Солтобаев жаңы техника тууралуу маалымат берди. Анын ичинде самосвал, автогрейдер жана жүктөгүчтөр бар. Бул машиналар жол чарба тармагынын материалдык-техникалык базасын чыңдоого, автомобиль жолдорун курууда жана оңдоо иштеринин сапатын жана натыйжалуулугун жогорулатууга өбөлгө түзөт.

Статистика боюнча, 2010–2020-жылдар аралыгында тармакка 648 техника алынган. Ал эми 2022–2026-жылдары 5 жылда 1344 жаңы техника сатып алынган.

Салтанаттуу иш-чара филармонияда

Андан соң Адылбек Касымалиев Т. Сатылганов атындагы кыргыз улуттук филармонияга барып, жол чарба кызматкерлеринин кесиптик майрамына арналган салтанаттуу иш-чарага катышты.

Өз сөзүндө ал Президент Садыр Жапаровдун жетекчилиги менен акыркы беш жылда мамлекеттин экономикалык мүмкүнчүлүгү кеңейгенин белгиледи. Мурда жол тармагына жылына болжол менен 2 млрд сом бөлүнсө, акыркы жылдары каржылоо 60 млрд сомго жетти.