Анталья шаарында өтүп жаткан БУУнун Климаттын өзгөрүшү жөнүндө алкактык конвенциясынын Тараптар конференциясынын 31-сессиясынын (COP31) алкагында жогорку деңгээлдеги иш-чаралар өткөрүлүп жатат. Бул рамкахде Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчиси Адылбек Касымалиев «Тоо күн тартибин илгерилетүү: мөңгүлөр, криосфера жана глобалдык жылуулануу белгиленген чектен ашкан шартта туруктуулукту камсыз кылуу, жалпы жоопкерчилик жана туруктуу каржылоо» аттуу талкууда сөз сүйлөдү.
Климаттык саммит учурунда Кыргызстан Тажикстан, Пакистан, Бутан жана Непал менен биргеликте кошумча иш-чараларды уюштурууга ийгиликтүү үлгүрүп жатат. Адылбек Касымалиев эл аралык климаттык күн тартибин алдыга жылдырууга жана тоолуу аймактардын өнүгүүсүнө көмөк көрсөткөн өнөктөштөрүнө ыраазычылык билдирди.
Кыргызстан БУУнун алкагында жана климат боюнча эл аралык процесстерде тоолорго багытталган маселелерди туруктуу түрдө көтөрүп келе жатканын белгилеген Министрлер Кабинетинин Төрагасы, өлкөнүн демилгеси менен жарыяланган «Тоолуу аймактарды өнүктүрүү боюнча беш жылдык аракеттер 2023–2027-жж.» программасы эл аралык күч-аракеттерди бириктирүү үчүн маанилүү негиз экенин баса белгиледи.
