Апелляциялык арызды кароо
«Nomad» басылмасы билдиргендей, бүгүн Бишкек шаардык сотунда Биринчи Май райондук сотунун чечимине карата апелляциялык арызды кароо башталды. Арызды айыптоочу тарап дагы, жактоочу тарап дагы берген.
Сот отурумуна Камчыбек Ташиевден тышкары, Курманкул Зулушев, Нурланбек Тургунбек уулу жана дагы беш саясатчы келгени айтылды.
Мурунку соттун чечими
Эске салсак, Бишкек шаарынын Биринчи Май райондук соту мурунку УКМКнын башчысын жана дагы жети айыпталуучуну бийликти күч менен басып алууга даярдангандыгы үчүн күнөөлүү деп тапкан. Аларга төрт жылга эркинен ажыратуу өкүмү чыгарылып, бирок үч жылдык пробация мөөнөтү колдонулган болчу.
Ошол эле учурда, кызмат абалынан кыянаттык менен пайдалануу беренеси боюнча бардык айыпталуучулар акталган.
