Нарын облусунун Жумгал районунда мамлекеттик менчикке кайтарылган жерге көп кабаттуу ипотекалык турак жай куруу пландалууда. Бул жөнүндө Turmush агенттигине жергиликтүү бийлик билдирген.
Долбоор президент Садыр Жапаровдун тапшырмасынын негизинде ишке ашырылууда. Жумгалдагы Актатыр айыл аймагына караштуу Чаек айылынын аймагында жайгашкан мурдагы «Химия» ишканасынын жерлири мамлекеттик менчикке кайтарылган.
«Химия» ишканасы айыл чарбасы үчүн зарыл болгон техникалар жана жер семирткичтер жайгашкан жай болуп саналат. Бул жай 30 жылдан бери бош турду, эми ага жайгашкан аймак ипотекалык турак жай куруу үчүн бөлүндү.
Долбоор боюнча ипотекалык турак жай комплекси 210 батирден турат жана 339 адамга ылайыкталган. Башкы курулуш үчүн 1,80 гектар жер каралган, бирок «Химия» ишканасы жайгашкан башка бөлүктөрү азырынча мамлекетке берилген эмес.
Иш жүзүндөгү курулушка керектүү бардык документтер мыйзам талабына ылайык даярдалып, тиешелүү мамлекеттик органдар менен биргеликте уюштуруу жана даярдоо жумуштары аткарылган.
Ипотекалык үй комплекси жөнүндө
