Кээде журналистика — бул жаңылыктар, макалалар жана чоң аталыштар гана эмес. Бул кимдир бирөөнүн жашоосун жакшы жакка өзгөртүүгө, адамга кубаныч тартуулоого жана анын эң кымбат кыялын ишке ашырууга мүмкүнчүлүк. Дал ушундай окуя Альмира менен болду — оор сыноолорго карабастан, жакшылыкка ишенүүсүн токтотпогон кыз.
Бир ай мурун «Теңдик» коомдук бирикмеси — үй-бүлөлүк зомбулуктан аман калган майыптыгы бар кыздарды калыбына келтирүүгө жардам берген Көз карандысыз жашоо борбору — өзүнүн карамагындагылар үчүн «Сулуулук күнүн» уюштурган. Өмүрүндө биринчи жолу кыздар кесипкөй визажисттер менен чачтарачтардын колуна түшүштү. Сулуу чач жасалгалар, макияж, көңүл буруу жана камкордук алардын ар бирине өзүн өзгөчө жана чындап сулуу сезүүгө жардам берди.
Дал ушул иш-чарада журналисттер Альмира менен таанышкан. Анын жылмаюусунун артында оор окуя жашыруун эле: кыздын майыптыгы бар жана туугандарынын зомбулугуна кабылган. Ал көп нерсени башынан өткөргөн, бирок турмуш кыйынчылыктары анын кыялдануу жөндөмүн тартып ала алган эмес.
Ал эми Альмиранын кыялы чоң жана абдан таасирдүү эле — бир күнү сүйүктүү аткаруучусу, белгилүү кыргызстандык ырчы Данияр Эрматов менен бирге ырдоо.
ЖМК өкүлдөрү бул окуяны угуп, чечим чыгарышты: эмнеге кыялды ишке ашырууга аракет кылбайбыз? Артист менен байланышып, ага Альмира жөнүндө айтып беришти жана анын эң кымбат каалоосун жеткиришти.
Даниярдын жообу чын жүрөктөн жана кубанычтуу болду: ал күйөрманы менен жолугушууга кубаныч менен макул болду.
Альмира — Көз карандысыз жашоо борборунун карамагындагылардын бири, ал жерде зомбулуктан аман калган майыптыгы бар кыздар жашайт. Ал эрте жетим калып, 25 жашына чейин туугандарында жашаган. Бирок ал жерде камкордук жана колдоонун ордуна кыз катаал мамилеге кабылып, натыйжада социалдык үйгө түшүп калган.
Альмиранын 30 жаш курагында ырчы Данияр Эрматов анын кыялын ишке ашырып, аны менен жолугуп, чогуу ыр ырдады.
Бул тууралуу билгенден кийин, артист Альмира менен жолугушуу үчүн «Көз карандысыз жашоо борборуна» келүүнү чечти.
Алар чогуу Альмиранын Данияр Эрматовдун репертуарынан эң сүйүктүү ырын — «Адам бойдон калгын өзгөрбөй» аттуу ырды аткарышты.
ДЦП жана коштогон диагноздорунан улам кыз мектепте окуй алган эмес жана өз алдынча жашоо үчүн акча таба албайт. Ал 8 миң сом өлчөмүндөгү жөлөк пул менен жашайт жана «Көз карандысыз жашоо борборунда» алтынчы жылдан бери кала берет. Бул сумма өз алдынча жашоо үчүн да жетпейт, турак жай сатып алуу жөнүндө сөз да болушу мүмкүн эмес.
Аймактардан келген кыздар бизде алты ай жашашат, ал эми Бишкектен келген кыздар күндүз сабактарга келишет.
