Кыргыз илимий-изилдөө ветеринардык институтунун (Дуйшеев атындагы) вирусология жана биотехнология лабораториясынын улук илимий кызматкери Максат Ахмеджанов пресс-конференцияда балдагы антибиотиктердин калдыктары аны чет өлкөгө сатууга тоскоол болушу мүмкүн экенин айтты.
Балдын курамындагы антибиотиктердин калдыктары аны экспорттоого тоскоол болушу мүмкүн. Бул аарычылар аарыларды дарылоодо антибиотиктерди колдонгондуктан келип чыгат.
Анын айтымында, аарычылар аарылардын ооруларына байланыштуу институтка кайрылышат. Алардын айрымдары антибиотиктерди колдонушат, алардын издери даяр продукцияда калып калат.
Ахмеджанов балды лабораториялык изилдөөдө бул заттар аныкталарын, бул чет өлкөгө жеткирүүгө тоскоолдук жаратышы мүмкүн экенин кошумчалады.
Биологиялык ыкмаларга басым
Изилдөөчүнүн айтымында, институттун кызматкерлери аарылардын вирустук жана мите ооруларын изилдеп, коргоонун биологиялык ыкмаларын иштеп чыгышууда. Бул иштин негизги багыты — ооруларды дарылоо жана алдын алууда биологиялык ыкмаларды колдонуу.
