Окуя жекшемби күнү, 1-ноябрда, Антигуа жана Барбуданын Эгемендүүлүк күнүнө арналган парад учурунда болду. Катуу жаан башталганда, 77 жаштагы монарх зонтсуз калып, жубайы баш калкалоочу жайга кетти. Бул тууралуу Reuters агенттиги билдирди.
Карл III колдорун жайып, тегерегине каранып, коштоп жүргөндөрдүн көңүлүн буруп, жардам сураганга аракет кылды. Ал эми парадга катышкан жергиликтүү тургундар жаанга карабай иш-чараны уланта беришти.
Кийинчерээк падышага зонт алып келишти. Ал окуяны юмор менен Антигуа жана Барбуданын премьер-министри Гастон Браунга айтып берди.
Анын реакциясы тартылган видео падышалык үй-бүлөнүн расмий Instagram баракчасында жарыяланды.
Reuters белгилегендей, бул Чарльздын эмоционалдуу реакциясы коомчулуктун көңүлүн бурган биринчи учур эмес. 2022-жылы тактыга отургандан көп өтпөй, Түндүк Ирландиядагы иш-чарада калем агып кеткенде ал ачууланган.
Кийин Карл бул эпизод жөнүндө өзү тамашалап, кезектеги иш-чарада калеми иштебей калбасын деп үмүт артканын билдирген.
