Кыргызстандын Улуттук электр түйүндөрү ишканасынын Иссык-Күл филиалы 2026-жылдагы капиталдык курулуш планынын алкагында, UIM F1H2O дүйнөлүк чемпионатын өткөрүүгө электр энергиясы менен туруктуу камсыздоону камсыздоо иштерин бүткөрдү.
Ишкананын маалыматына караганда, иш-чаралардын алкагында 0,7 км узундукта 10 кВ чыңалуудагы аба линиясы СИП-3, 0,2 км узундукта 0,4 кВ чыңалуудагы аба линиясы СИП-2, жана 1,1 км узундукта 0,4 кВ кабель линиясы курулду.
Ошондой эле, үч трансформатордук подстанция орнотулду: бирөө 1000 кВА кубаттуулукта, экөө 630 кВА кубаттуулукта. Бул объекттер чемпионат учурунда электр энергиясынын үзгүлтүксүз жетишин камсыз кылат.
Тармактын иштөөсүн камсыздоо максатында иш-чаралар учурунда резервдик дизел генераторлору тиешелүү жерлерде жайгаштырылат.
Ишкананын билдирүүсүндө чемпионат учурунда кызматкерлер күчөтүлгөн тартипте дежур болуп, мүмкүн болгон кырдаалдарга ылдам жооп кайтарат деп белгиленди.
