Көптөгөн адамдар тынчсыз ойлордон улам укта албай калышат же жакындарынын, ден соолуктун жана келечектин үчүн тынымсыз кабатырлашат. Кээ бирөөлөр бул абалды мүнөзүнүн бир бөлүгү катары кабыл алышат, бирок мындай туруктуу кооптонуу психикалык оорунун белгиси болушу мүмкүн.
Республикалык психиатрия жана наркология борборунун психиат дарыгери Алия Ащи тынчсыздыктын кандай түрлөрү бар экенин жана аларды кантип аныктоо керектигин түшүндүрүп берди.
Медициналык көз караштан алганда, тынчсыздык — бул ар бир адамда кездешүүчү табигый реакция. Ал организмдин потенциалдуу коркунучка же стресске каршы коргонуу функциясын аткарат. Бирок, эгерде бул сезим кырдаалга шайкеш келбей, ашыкча болуп кетсе, анда ал психикалык бузулуу болуп саналат.
Тынчсыздык бузулушу — бул тынчсыздык, коркунуч жана кооптонуу ашыкча, туруктуу же башкарууга мүмкүн болбогон мүнөзгө ээ болгон психикалык бузулуулардын тобу. Алар адамдын эмоционалдык абалына, жүрүм-турумуна жана күнүмдүк жашоосуна олуттуу таасир этет.
