Президенттин басма сөз катчысы Аскат Алагозов «Азаттык» басылмасына берген маегинде Сыймык Жапыкеевдин сынына токтолду. Анын айтымында, өлкөдө сөз эркиндиги толук сакталууда жана жарандар бийликтин дарегине сын айтууга укуктуу.
Бирок мыйзамдын башкы талабы — массалык баш аламандыкка жана мыйзамсыз аракеттерге чакырыктарга жол бербөө экенин Алагозов баса белгиледи.
Эмоциялар жана кескин билдирүүлөр шайлоо процессинин табигый көрүнүшү.
Басма сөз катчы сындын активдешүүсүн 2027-жылдын 27-январына белгиленген президенттик шайлоонун алдындагы өнөктүктүн иш жүзүндө башталышы менен байланыштырды. Анын пикиринде, талапкерлердин эмоциялуу жана кескин билдирүүлөрү — шайлоо процессинин кадимки эле көрүнүшү.
Президенттик администрация Сыймык Жапыкеев «Кыргызтест» тестинен өтүп, БШКга өзүн өзү көрсөтүү тууралуу арыз бергенин, ошондуктан анын башка жарандар менен бирдей өз позициясын айтууга укугу бар экенин белгиледи.
Акыркы бааны шайлоочулар бюллетендерди толтуруу учурунда беришет. Бардык билдирүүлөргө, шайлоо алдындагы убадаларга жана сынга шайлоочулар өз добуштары менен жооп беришет.
