Президент Садыр Жапаровдун Чүй облусуна болгон иш сапары Сокулук районунун тургундары менен жолугушуудан башталды. Жолугушуу ачык диалог түрүндө өтүп, жарандар мамлекет башчысына коомдук турмуштун ар кандай тармактарына тийиштүү маселелер боюнча кайрылышты, ошондой эле мамлекеттик деңгээлде чечүүнү талап кылган көйгөйлөрдү белгилешти.
Жолугушуунун жүрүшүндө жеке мүнөздөгү маселелер да, райондун социалдык-экономикалык өнүгүүсүнүн актуалдуу темалары да козголду
Тургундардын кайрылууларынын арасында социалдык инфраструктураны өнүктүрүү, билим берүү жана спорт объектилерин куруу жана оңдоо, мамлекеттик ипотекалык программанын алкагында турак жай менен камсыздоо маселелери эң көп көтөрүлдү. Ошондой эле жер жана мүлк талаштары, мунапыс, кылмыш иштерин кароо жана укук коргоо органдарынын ишмердүүлүгү боюнча кайрылуулар айтылды.
Президенттин тапшырмалары
Президент Садыр Жапаров ар бир кайрылууну кылдат жана ар тараптуу кароо зарылдыгын баса белгилеп, тармактык министрликтерге жана ведомстволорго тиешелүү тапшырмаларды берди. Администрация Президента КР маалыматы боюнча, айрым маселелерди жеринде чечүү мүмкүнчүлүгү каралды.
