Ош шаардык соту КР Кылмыш-жаза кодексинин 130-беренесинин 1-бөлүгү боюнча айымды ден соолукка оор зыян келтиргендиги үчүн күнөөлүү деп тапты. Бул иш боюнча мурда соттолбогон Ош шаарынын тургуну Д.П. күнөөлүү деп табылды.
Соттун аныктоолоруна ылайык, окуя 2026-жылдын 11-июлунан 12-июлуна өткөн түнү саат 03:00дө Касымов көчөсүндөгү бир батирде болгон. Ал жерде Д.П. өзүнүн таанышы Н.Д. менен бирге ичимдик ичип отурган. Алардын ортосунда ишенбөөчүлүк жана телефон боюнча талаш-тартыш жаралып, ал катуу чыр-чатакка айланган.
Тергөө органдарынын маалыматы боюнча, чыр-чатак учурунда аял эркектин футболкасын тирип, андан соң ашканага кирип, бычак алып, анын оң жагындагы төшүнө бир жолу сайган. Ал бычакты шкафтын тартмасына жашырып койгон.
Судебная-медициналык экспертизанын корутундусу боюнча, эркек кишинин өпкөсү жабыркап, өмүрүнө коркунуч келтирген оор жаракат алган.
Соттун чечими
Сот Д.П. үчүн 5 жылга эркиндигинен ажыратуу жазасын дайындады, бирок аны пробациялык көзөмөлгө өткөрүп, жазаны өтөөдөн бошотуу чечимин кабыл алды. Көзөмөл мөөнөтү 3 жылды түзөт.











