11-ноябрдан 13-ноябрга чейин Алай районунун ИИБ кызматкерлери жол кыймылынын коопсуздугун камсыздоо бөлүмүнүн инспекторлору менен биргеликте Ош—Эркештам автожолунда профилактикалык иштерди жүргүзүштү. Бул иш-чаралар жолдогу тыгындардын алдын алуу жана аларды жоюу максатында өткөрүлдү, — деп билдирди Ош облусунун ИИБнын басма сөз кызматы.
Рейд учурунда жүк ташуучу унаалардын айдоочуларына кышкы шиналарды өз убагында алмаштыруу зарыл экендиги эскертилди. Ошондой эле, кышкы мезгилде жолдо кыйынчылыктар жаралса, аларды жеңүү үчүн керектүү инвентарлардын жана каражаттардын болушу маанилүү экени айтылды.
Укук коргоочулар айдоочуларды жол кыймылынын эрежелерин так сактоого жана катаал кышкы аба ырайына даяр болууга чакырышты. Бул чаралар жолдо кепке түшүүгө жана тыгындардын пайда болушуна себеп болгон жагдайлардын алдын алуу үчүн жасалып жатат.















