Чакан ГЭС Жалал-Абад облусундагы Коңур-Өгүз дарыясына курулат. Анын белгиленген кубаттуулугу 3,5 МВт, ал эми жылдык электр энергиясын иштеп чыгуу көлөмү 15,6 миллион кВт/саатты түзөт.
Бул долбоорду ишке ашыруу өлкөнүн электр энергиясын өндүрүү кубаттуулугун жогорулатууга, кайра жаралуучу энергия булактарын (КЖЭБ) өнүктүрүүгө жана аймактагы электр энергиясы менен камсыздоонун ишенимдүүлүгүн жогорулатууга салым кошот. Станциянын курулушу инвестицияларды тартуу, жумуш орундарын түзүү, салыктык түшүүлөрдү көбөйтүү жана соңку инфраструктураны өнүктүрүү аркылуу аймактын социалдык-экономикалык өнүгүшүнө да оң таасирин тийгизет.
Долбоор өлкөнүн энергетикалык коопсуздугун чыңдоого багытталган гидроэнергетиканы өнүктүрүү жана КЖЭБ колдонууну кеңейтүү боюнча мамлекеттик артыкчылыктарга ылайык ишке ашырылууда.
