Правление Национального банка Кыргызской Республики 6-июлда №2026-П-12/35-3-(ПС) токтому менен операторлордун жана төлөм уюмдарынын ишмердүүлүгүн көзөмөлдөө боюнча Инструкцияны бекитти.
Бул Инструкцияда лицензиясы бар төлөм системалары менен уюмдарга карата тышкы дистанциялык көзөмөл жүргүзүү жана инспектордук текшерүүлөрдүн негизги принциптери жана тартиби белгиленет. Көзөмөлдүн бул эки формасы өз ара толуктайт.
Ар бир көзөмөлдөгүч мекемеге Нацбанктагы тиешелүү бөлүмдүн кызматкери катары куратор дайындалат. Ал уюмдан статистикалык маалыматтарды, отчетторду, сурамжылоолорду жана башка документтерди талап кыла алат, ошондой эле кызматтык жолугушууларды өткөрөт.
Дистанциялык көзөмөлдүн алкагында отчетторду, инспектордук текшерүүлөрдүн материалдарын, ички жана сырткы аудит көрсөткүчтөрүн, төлөмдөрдү кабыл алуу жана өткөрүү, процессинг, клиринг, электрондук акча чыгаруу жана кайтаруу, ошондой эле эквайринг кызматтарын көрсөтүү иштерин анализ берүү каралган.
Инспектордук текшерүүлөр эки түрдө болуп, алар комплекс катары же максаттуу түрдө пландуу жана пландуу эмес негизде жүргүзүлөт. Максаттуу пландуу текшерүү жылына бир жолу өткөрүлөт.
Пландуу эмес текшерүүлөр мыйзам бузуулар, шектүү иш-аракеттер же техникалык мүчүлүштүктөр болгондо, ошондой эле башка ынанымдуу маалыматтар келип түшкөндө өткөрүлөт.
