Министрлер Кабинетинин аппаратынын маалыматтык камсыздоо бөлүмүнүн билдирүүсүнө таянсак, Министрлер Кабинетинин төрагасы Адылбек Касымалиев окумуштууларды, илим кызматкерлерин, докторанттарды, аспиранттарды жана студенттерди Илим күнү менен куттуктады.
Адылбек Касымалиевдин айтымында, илим мамлекеттин интеллектуалдык байлыгы жана экономикалык өнүгүүнүн, технологиялык прогресстин жана өлкөнүн атаандаштыкка жөндөмдүүлүгүн жогорулатуунун негизги кыймылдаткыч күчү болуп саналат.
Илим мамлекеттин интеллектуалдык байлыгы, экономикалык өнүгүүнүн, технологиялык прогресстин жана өлкөнүн атаандаштыкка жөндөмдүүлүгүн жогорулатуунун маанилүү кыймылдаткыч күчү болуп саналат.
Ошондой эле, кыргыз илиминин бай салттары жана бир нече муун изилдөөчүлөр тарабынан калыптандырылган бекем интеллектуалдык негизи бар экени белгиленди. Бүгүнкү күндө илим алдында технологиялык жаңылоо, табигый ресурстарды өздөштүрүү жана инновацияларды киргизүү сыяктуу масштабдуу милдеттер турат.
Мамлекеттик деңгээлде илим тармагын өнүктүрүү боюнча ыкмалар ырааттуу түрдө өзгөрүп жаткандыгы айтылды. Бул тармактагы шарттарды жакшыртуу жана 2025-жылы илим кызматкерлеринин эмгек акысын жогорулатуу боюнча пландар каралган.
