Орусиянын Тышкы иштер министрлигинин Маалымат жана басма департаментинин жетекчиси Мария Захарова «Номад» телеканалына берген маегинде Ысык-Көл жана Кыргызстандын жаратылышы тууралуу ойлорун айтып берди.

Бул жерде укмуштай кооздук жана абдан кызыктуу климат, жаратылыш аймактары бар — аларды өз көзүңөр менен көрсөңөр болот. Бир жагынан күн, жылуулук, экинчи жагынан эң жакшы мааниде жагымдуу салкындык, башкача айтканда, аптаптын жоктугу айкалышкан кереметтүү көрүнүштү белгилеп кетким келет. Абдан кызыктуу айкалыш. Ошондуктан, Ысык-Көлгө бара электердин баарына барып көрүүнү абдан сунуштайм
Мария Захарова

Ал ошондой эле Ысык-Көлдүн туристтик инфраструктурасы өнүгүп жатканын жана аймактын туристтерди кабыл алуу үчүн чоң потенциалы бар экенин белгиледи.

Албетте, туристтерди кабыл алууга даяр жергиликтүү инфраструктуранын өнүгүп жатканы укмуш, жана туристтер келип жатканы да көрүнүп турат
Мария Захарова