Евробиримдиктин Орусияга каршы 21-санкциялар пакетине жооп иретинде Кытай 14 европалык компанияны экспорттук көзөмөл тизмесине кошту. Бул тууралуу South China Morning Post басылмасы Кытайдын Коммерция министрлигине шилтеме берип билдирди.
Бул чечим Евробиримдиктин санкциялар пакетине кирген 14 кытайлык фирмага карата "күзгү жооп" катары бааланууда.
Экспорттоочуларга көрсөтүлгөн компанияларга кош максаттуу товарларды жеткирүүгө тыюу салынат. Ошондой эле чет элдик уюмдарга жана жеке жактарга кытайлык өндүрүштүн ушундай мүнөздөгү товарларын берүүгө да тыюу салынган. Чектөөгө кабылган фирмалар менен болгон бардык учурдагы операцияларды токтоосуз токтотуу керек деп айтылат билдирүүдө.
Санкцияга кабылган европалык компаниялар
Тизмеге Евробиримдиктин аскердик компаниялары, анын ичинде немистин ири аскердик холдинги Rheinmetall, чех унаа өндүрүүчүсү Tatra Trucks, италиялык электр кыймылдаткычтарын өндүрүүчү Lafert, немис өндүрүүчүсү Sindlhauser Materials жана француз дрон өндүрүүчүсү Cavok UAS, ошондой эле чехтик TATRA TRUCKS a.s., француздук III-V LAB, голландиялык IHC Merwede Holding B.V. жана литвалык Ekspla UAB кирген.
Белгилей кетсек, Евробиримдиктин Орусияга каршы 21-санкциялар пакетине Кыргызстандан үч фирма жана бир коммерциялык банк да кирген.
