Кыргыз Республикасынын тышкы иштер министрлиги мобилдик тиркеме – «Электрондук консул» (eConsul) иштеп чыкты. Азырынча тиркеме Google Play дүкөнүндө жеткиликтүү.
Тиркемеде чет мамлекеттерде жүргөн кыргызстандыктарга жана башка өлкөлөрдүн жарандарга керектүү маалыматтар камтылган. Андан паспорт же айдоочулук күбөлүктү жоготкон учурда кайрылуу, консулдук каттоо, консулдук мекемелерге кезекке туруу мүмкүнчүлүктөрү бар.
SOS баскычы - өзгөчө функция
«Электрондук консул» тиркемесинде түзүлгөн SOS баскычы кырдаалдардын кескин өзгөрүп калышы, мисалы, укук коргоо органдары тарабынан кармоо, мыйзамсыз кармоо, уурдоо, депортация коркунучу же документтердин жоголушу сыяктуу кырдаалдарда колдонулат.
Колдонуучу уруксат берсе, анын жайгашкан жери автоматтык түрдө жакынкы консулдукка жөнөтүлөт же ал өзү тандаган консулдук көрсөтүлөт. Муну менен бирге суроо кыска консулдук департаментке берилет жана ар бир кайрылуу каралат.
