Кыргызстанда санкциялык тизмелерге кирген жактардын активдерин тез арада токтотуу процессин автоматташтыруу иштери башталмакта. Бул максат кылмыштуу иштерди каржылоого жана кылмыштык кирешелерди легализациялоого каршы туруу боюнча 2026–2030-жылдарга карата мамлекеттик стратегиянын алкагында ишке ашырылат.
Министрлер Кабинетинин 2026-жылдын 29-сентябрындагы №653 токтому менен бекитилген документке ылайык, коммерциялык банктар жана виртуалдык активдердин кызмат көрсөтүүчүлөрү үчүн жаңы механизмдерди киргизүү мөөнөтү белгиленген.
- 2027-жылдын I чейреги
Коммерциялык банктар жана виртуалдык активдердин кызмат көрсөтүүчүлөрү автоматташтырууну ишке ашырышы керек
- 2027-жылдын II чейреги
Банк эмес финансылык-кредиттик уюмдар, алмашуу бюролору жана башка отчеттуу субъекттер үчүн мөөнөт
Техникалык жактан бул процесс коммерциялык банктарда жана криптосервистерде API-шлюздорду киргизүү аркылуу ишке ашырылат. Автоматташтыруунун негизги натыйжасы активдерди бөгөттөө убактысын 24 саатка чейин кыскартуу болуп саналат.
Бул процессти ишке ашыруу үчүн жооптуу органдар катары Финансылык расердөө мамлекеттик кызматы, КНБ, Улуттук банк, Юстиция министрлиги, Мамлекеттик салык кызматы, Байланыш тармагын жөнгө салуу жана көзөмөлдөө кызматы, Финнадзор, Виртуалдык активдер боюнча улуттук агенттик жана Тышкы иштер министрлиги аныкталган.
