Республикалык иммунопрофилактика борборунун (РИБ) маалыматына таянса, ата-энелер баласынын курагына жараша кайсы эмдөөлөр жасалышы керектигин улуттук календарь аркылуу текшере алышат.
Эгерде баланын учурдагы курагына туура келген сап таблицада жок болсо, анда өткөн мөөнөттөрдү мурунку жазуулар менен салыштырып, кийинки жакынкы мөөнөттү аныктоо сунушталат. Эгерде керектүү доза жөнүндө маалымат жок болсо же күмөн санасаңыз, кырдаалды тактоо үчүн үй-бүлөлүк дарыгерге кайрылуу зарыл.
Эмдөө графиги
Төмөндө баланын курагына жараша жасалуучу эмдөөлөрдүн пландалган графиги берилген:
- **Төрөлгөндөн кийинки алгачкы 24 саат ичинде:** Гепатит B (ВГВ) жана туберкулезге (БЦЖ) каршы эмдөөлөр жасалат.
- **2 айлик куракта:** Көктүрмө, дифтерия, столбняк, гепатит B жана гемофилдик инфекцияга каршы беш компоненттүү вакцина (ПЕНТА), пневмококк инфекциясына каршы (ПКВ) жана полиомиелитке каршы (ОПВ) эмдөөлөр берилет.
- **3,5 айлык куракта:** ПЕНТА вакцинасынын экинчи дозасы, полиомиелитке каршы ОПВ жана ИПВ вакциналары, ошондой эле ротавирус инфекциясына каршы (РВ) эмдөөлөр жасалат.
- **5 айлык куракта:** ПЕНТА вакцинасынын үчүнчү дозасы, пневмококк инфекциясына каршы (ПКВ) жана полиомиелитке каршы (ОП) эмдөөлөр берилет.






