Кыргызстанда сарымсак өстүрүүнү өнүктүрүү жана Россия Федерациясы менен кызматташтыкты кеңейтүү багытында иш-чара болуп өттү. Министрликтин басма сөз кызматы билдиргендей, жыйынга суу ресурстары, айыл чарбасы жана кайра иштетүү өнөр жайы министрлигинин өкүлдөрү, кластер «Жемиштер жана жашылчалар», Россиянын Сарымсак өстүрүүчүлөрдүн Улуттук союзунун өкүлдөрү, «Фермерский чеснок» компаниясы жана башка тармактык адистер катышты.
Жыйын учурунда замандын талаптарына ылайык агротехнологияларды колдонуу, сапаттуу түшүм материалдарын иштетүү, продукцияны кайра иштетүү жана сактоо механизмдерин өнүктүрүү, логистиканы жакшыртуу жана сарымсактын сатык рыногун кеңейтүү боюнча маселелер талкууланды.
Атайын уюштурулган үч тараптуу келишимге министрлик, Россия Федерациясынын Сарымсак өстүрүүчүлөрдүн Улуттук союзу жана «Жемиштер жана жашылчалар» кластеринин өкүлдөрү кол коюп, жаңы технологиялар менен тажрыйбаны алмашуу, биргелешкен долбоорлорду жүзөгө ашыруу, фермерлерди консультациялык колдоо жана окуу программаларын уюштуруу максаттары белгиленди.
