Алматыда Кыргызстандын вице-премьер-министри жана айыл чарба министри Эрлист Акунбеков менен Россиянын айыл чарба министри Оксана Лут агрардык кызматташтык багыттарын талкуулашты.
Кыргызстан жыл сайын Россиянын өзгөчө экономикалык аймагында суу биоресурстарын чектөө квоталарын алууга мүмкүнчүлүк түзүүнү сунуш кылды. Бул идея ички балык чарбаларын өнүктүрүү жана балык азыктарын кайра иштетүү жаатында жардам берет.
Эрлист Акунбеков эки тараптын колдоосу менен керектүү процедурларды бүтүрүп, сентябрда Санкт-Петербургда өтүүчү балык өнөр жай форумунда протоколго кол коюуга үмүт артканын белгиледи.
