Кыргызстанда кеңири масштабда электр жарыгынан ажыратуу болуусуна алдын ала себеп катары жогорку чыңалуудагы эки линияда авария катталган. Бул тууралуу НЭСК маалымдады.
Авария «Кара-Балта — Главная» жана «Главная — Шу» 220 кВ линияларында болуп, автоматтык түрдө жүктү өчүрүү системасы ишке кирген.
Натыйжада өлкөнүн бир катар аймактарында электр энергиясы өчүп калды.
Азыркы учурда адистер токту калыбына келтирүү иштерин баскычтап жүргүзүүдө.
Авариянын так себептери азырынча такталып жатат.
