Кыргызстандын экономикасында тейлөө тармагы өсүүнүн маанилүү булагы болуп саналат. Министрликтин маалыматы боюнча, 2026-жылдын биринчи жарым жылдыгында бул тармактын валовый көлөмү 746,6 млрд сомду түзүп, 2025-жылдын ушул мезгилине салыштырмалуу 6,1%га өстү.
Опто-розничная соода, ошондой эле автоунаалар жана мотоциклдерди оңдоо секторунун жалпы көлөмү 226,7 млрд сомду түзүп, 8,5%га өскөн. Бирок, өсүү өткөн жылдагы 18,2%дан ылдамыраак болуп, негизинен оптовый сегменттеги жана аймактагы чакан ишканалардагы кыскарыштар менен байланыштуу.
Ошол эле учурда розничная соода 13,5%га өсүү менен жогорку көрсөткүчтү сактап келет. Бул жарандардын айлык маянасынын 25%га жогорулашы жана насыялоонун 5 айда 14,7%га өсүшү менен шартталган.
Транспорттук кызматтар жана жүктөрдү сактоо тармагынын көлөмү 61,5 млрд сомго жетип, өткөн жылга салыштырмалуу 4,3%га көбөйдү. Бул мезгилде бардык транспорт аркылуу болжол менен 32,3 миллион тонна жүк ташылды.
