2026-жылдын биринчи жарым жылдыгында Кыргызстанда валовой ички продукттун (ЖИП) көлөмү 960 миллиард сомду түздү. Улуттук статистика комитетинин төрагасы Бактыбек Кудайбергеновдун айтымында, бул көрсөткүч өткөн жылдын ошол эле мезгилине караганда 11,9 пайызга жогорулады.
ЖИПтеги өсүш продукцияны иштеп чыгуу тармактарында, кызмат көрсөтүүлөрдө жана салык чогултууларда байкалган. Кызмат көрсөтүүлөр тармагы ЖИПтин 50,1% көлөмүн түзсө, өнөр-жай 20,5%, айыл чарба 4,9%, курулуш 8,5%, салыктык салыктар болсо 16%га жакын катталды.
Өнөр-жай тармагында химиялык продукциянын өндүрүшү 2,9 эсе, фармацевтикалык продукция 1,8 эсе, жыгач жана кагаз продукциялары менен полиграфия, ошондой эле нефтепродукциялар 1,7 эсе өскөн. Автотранспорт каражаттарынын, курулуш материалдарынын, негизги металлдардын жана азык-түлүктүн чыгаруу көлөмү да көбөйгөн.
Дагы бир айта кетерлик жагдай — курулуш иштеринин көлөмү 1,7 эсеге көбөйүп, айыл чарба 4,3 пайызга, соода тармагы 5 пайызга өстү. Бирок ушул мезгилде инфляция 5,5 пайызды түзүп, кымбатчылык тараган аймактардын ичинде Ош облусу 12,5 пайыз менен алдыңкы орунда турат.
