Кыргыз Республикасынын Президенти Садыр Жапаров Тибет автономиялуу районунда болгон жер титирүү трагедиясынан улам каза болгондорго кайгырды. Президент Садыр Жапаров Кытай Эл Республикасынын Төрагасы Си Цзиньпинге көңүл айтуу телеграммасын жөнөтүп, бул олуттуу окуяга байланыштуу өз кайгыруусун билдирди.
Президенттин телеграммасында төмөнкүдөй кайгыруу сөздөрү камтылган: “Кыргыз Республикасынын элинин жана жеке өзүмдүн атымдан каза болгондордун үй-бүлөлөрүнө жана жакындарына терең кайгыруу менен көңүл айтып, аза кайгысын тең бөлүшөм, жабыр тарткандардын тез сакайып кетишин каалайм” (Кыргыз Республикасынын Президентинин Администрациясы).
