Кыргызстанда кыргыз-кытай чек арадагы өткөрмө бекеттерин башкаруу боюнча кызматташтык тууралуу келишимдин долбоору талкууланды. Бул иш-чарага Кыргызстандын Мамлекеттик бажы кызматы, Мамлекеттик чек ара кызматы, Тышкы иштер министрлиги, Айыл чарба министрлиги, Транспорт жана байланыш министрлиги, Саламаттык сактоо министрлиги сыяктуу мамлекеттик органдардын өкүлдөрү катышты.
Кытайдын өкүлдөрү катары Кытай Эл Республикасынын Башкы бажы башкармалыгы, Тышкы иштер министрлиги, Улуттук миграция кызматы, Транспорт министрлиги жана башка тиешелүү мекемелердин өкүлдөрү катышты.
Келишимдин долбоору кыргыз-кытай чек арадагы өткөрмө бекеттерин башкарууда кызматташтыкты күчөтүү максатында кыргыз-кытай кызматташтык боюнча комитет жана өткөрмө бекеттер боюнча өзүнчө жумушчу топторду түзүүнү карайт. Мындай түзүмдөр эки өлкөнүн компетенттүү органдарынын координациясын бекемдеп, өткөрмө бекеттердин иштешине байланыштуу практикалык маселелерди ыкчам чечүүгө шарт түзөт.
Документтин долбоору парафталган жана кыргыз-кытай кызматташтыгын бекемдөө үчүн маанилүү кадам болуп эсептелет. Келишимди кол коюу иш-чарасы Кытай Эл Республикасынын Президенти Си Цзиньпиндин Кыргызстанга жасай турган мамлекеттик сапарынын алкагында, Шанхай кызматташтык уюмунун саммитинин иш-чараларынын алдында өткөрүлөт.

























