Кыргызстан Борбордук Азия аймагында климаттык иш-чаралар боюнча алкактуу мыйзамды биринчи кабыл алган өлкө болду. Бул мыйзам 2027-жылдын 1-январынан тарта күчүнө кирет.
Президент Садыр Жапаров кол койгон мыйзам өлкөнүн климаттык саясатынын бирдиктүү укуктук негизин түзүп, климаттык өзгөрүүлөргө байланыштуу башкаруу механизмдерин аныктайт.
Мыйзамдын максаты – Кыргызстанга Париж келишими жана БУУнун климаттык өзгөрүүлөр боюнча алкактуу конвенциясы алкагында алган эл аралык милдеттенмелерин аткарууга шарт түзүү.
Мамлекеттик климаттык саясат парник газдарынын чыгарылышын кыскартууга, климаттын өзгөрүүлөрүнө көнүү чараларын ишке ашырууга, климаттык каржылоо механизмдерин өнүктүрүүгө багытталат.
- Углероддук нейтралдуулукту камсыздоодо өнүгүү
- Климаттык технологияларды жандандыруу
- Илимий изилдөөлөрдү жана кадрларды даярдоону колдоо
Мыйзам долбоору Жогорку Кенештин депутаттары менен Экология, табигый ресурстар жана техникалык көзөмөл министрлигинин биргелешкен катышуусунда даярдалды. Ага Бириккен Улуттар Уюмунун Өнүктүрүү программасы техникалык жана эксперттик колдоо көрсөткөн.
Мыйзам расмий жарыяланган соң, Жогорку Кенеш мыйзам талаптарын иреттөө үчүн алты ай ичинде туруктуу норма мыйзамдарын кабыл алууга тийиш.
