Бишкек шаардык электр тармактары ишканасынын (БПЭС) кызматкерлери «Кыргызская» подстанциясында жаңы 40 МВА кубаттуулуктагы трансформаторду орнотуу иштерин улантып жатышат. Учурда иштер 90 пайызга бүткөрүлдү.
Трансформаторлордун ток и чыңалууну өлчөөчү шаймандары, өчүргүчтөр жана башка заманбап электр жабдуулар орнотулуп бүттү. «Кыргызская» подстанциясы Бишкек шаарындагы «Кыргызстан-1», «Ынтымак», «Арча-Бешик» сыяктуу турак жай аймактарына электр камсыздоону жүзөгө ашырат.
Жаңы трансформатордун пайдалуулугу
40 МВА кубаттуулуктагы трансформатордун орнотулушу электр кубатын жогорулатууга, кошумча резерв түзүүгө жана электр булактарынын туруктуулугун жогорулатууга мүмкүндүк берет. Бул, өзгөчө, электр энергиясын колдонуучулардын саны жана жүктөлүшү көбөйүп жаткан учурда маанилүү.
Шаар тургундары үчүн ал эми бул — электр менен камсыздоонун туруктуу болушу, жабдуулардын ашыкча жүктөлүшүнүн азайышы жана келечекте жогорулаган керектөөнү камсыз кылуу мүмкүнчүлүгү.
Мындай жаңылоо борбор калааны эл аралык иш-чараларга, айрыкча Шанхай кызматташтык уюмунун жолугушууларына даярдоодо өзгөчө мааниге ээ.
