Казакстандын Атырау шаарында он киши экстремисттик топ түзүп, терроризмди пропагандалаганы үчүн кармалды. Бул тууралуу Казакстандын Улуттук коопсуздук комитети (УКК) билдирди.
Кармоо иш-чарасы 30-октябрда прокуратура органдары менен макулдашуунун негизинде өткөрүлгөн. Шектүүлөр экстремисттик топ түзүүгө, аны жетектөөгө жана анын ишине катышууга, ошондой эле диний араздашууну козутууга шектелип жатышат.
Тинтүү учурунда шектүүлөрдүн жашаган жерлеринен ок атуучу курал, баңги заттар, диний буюмдар, адабияттар жана башка далилдер табылган.
Ошондой эле УКК топтун мүчөлөрү уюштурган балдар жана өспүрүмдөр үчүн үч жашыруун окуу борборунун ишин токтотконун билдирди.
Ведомствонун маалыматы боюнча, кармалгандардын айрымдары мурда терроризм жана жалпы кылмыштар үчүн соттолгон. Тергөөнүн башка чоо-жайы ачыкталган жок.
Кармоонун негизги көрсөткүчтөрү
