Кыргызстандын Эмгек, социалдык камсыздоо жана миграция министрлигинин маалыматына караганда, быйыл январь-июнь айларында ишеним телефонуна үй-бүлөлүк зомбулук боюнча 3,4 миңден ашык кайрылуу түшкөн. Адистер жарандарга психологиялык, юридикалык жана социалдык кеңештерди берип, зарыл учурда мамлекеттик органдарга жөнөтүүдө. Бул көрсөткүч коомдо зомбулук маселесинин курчуп жатканын же адамдардын жардамга кайрылууга болгон аң-сезиминин өсүп жатканын билдирет.
Адистер күн сайын жарандардын кайрылууларын кабыл алып, алардын психологиялык жана укуктук абалын жакшыртуу үчүн кызмат көрсөтүшөт. Мындай жардам керек болгондо жарандарды тиешелүү мамлекеттик жана адистештирилген уюмдарга багытташат.
Министрлик үй-бүлөлүк зомбулук фактыларын жашырбоого жана укугу бузулгандарга өз убагында жардам суроого чакырат. Зомбулук бул жеке проблема гана эмес, бүткүл коомдун коопсуздугуна таасир этет, ошондуктан ар бир кайрылуу маанилүү.
Азырынча комментарий жок. Биринчи болуңуз!
Жакшыраак сунуштарды алуу үчүн кириңиз
